Cangkriman

Ditulis lan dipostingke dening Admin Web

A.    Materi Pembelajaran

                   Cangkriman

       Cangkriman yaiku tetembungan utawa unen-unen kang kudu dibatang maksude.

1.      Wujude cangkriman :                                                                    

a.       Cangkriman kang awujud tembung wancahan

Tuladha :

Wiwawite, lesbadhonge    = uwi dawa uwite, tales amba godhonge

Segara mbeldhes                = sega pera, sambele pedhes

Nituk lersure                      = nini ngantuk diseler susure

b.      Cangkriman pepindhan utawa irib-iribaning barang

Tuladha :

Cangkriman pepindhan utawa irib-iribaning barang

Sega sekepel dirubung tinggi (salak)

Pitik wali saba kebon (nanas)

Embokne wuda, anake tapihan (empring, bung)

c.       Cangkriman ngemu surasa blenderan utawa plesetan

Wong wudunen sugih pari (paringisan)

Kecap sing paling enak cap ratu (ratuku)

Bakule krambil dikepruki (sing dikepruki krambile)

d.      Cangkriman kang awujud tembang ( Y. Suwarno, 1998:201)

                               Bapak pocung dudu watu dudu gunung,

sabamu mring sendhang,

pencokanmu lambung kering,

prapteng wisma si pocung mutah guwaya.(jun/klenthing)

e.       Cangkriman ukara

Tuladha :

Wit adhikih adhakah wohe =  wit semangka

Wit adhakah adhikih wohe = wit ringin

Sing cedhek dikedhuki sing dhuwur diurugi = timbangan

2.      Gladhen Cangkriman

                    Cangkriman ing ngisor iki apa bedhekane? Lan kalebu cangkriman sing endi, aranana!

a.       Embokne dielus-elus, anake diidak-idak

b.      Gajah nguntal sangkrah

c.       Tibane ngisor sing digoleki ndhuwur

d.      Disambung dadi cendhak

e.       Ana awake, ana lengene, nanging tanpa sirah

f.       Sing gawe ora nganggo, sing nganggo ora weruh, sing weruh ora gelem

g.       Kebo bule dicencang merang

h.      Sing cendhek dikeruki, sing dhuwur diurugi

i.        Dikebuti malah mundhak panas

j.        Dipenyet wudele mendelik mripate

Sumber materi : https://app.box.com/s/0pqpxr87j1phxmyonsln

Silakan Baca Lebih Lanjut

Geguritan

Ditulis lan dipostingke dening Admin Web

GEGURITAN GOTONG ROYONG

Semaken geguritan iki!

Geguritan iku puisi jawa modern

                                             Ayo Gotong Royong

Kembang-kembang terong

Mbang terong megare sore

Ayo gotong royong

Gotong royong nyambut gawe

Kembang-kembang lembong

Mbang lembong dironce-roce

Ayo gotong royong

Guyup rukun kabeh wargane

……………………………                           

Wus dadi kodrate

Manungsa mono tan  bisa urip dhewe

Saka lahir prapteng patine

Tansah gumantung sapepadhane

Mula,  urip gotong royong kang pinatri ing telenging nala

Tindakna ywa nganti kepeksa

Kudu lila legawa

Sepi ing pamrih rame ing gawe

Iku semboyane

Mempeng makarya kiwakna pepulih

Murih salwiring gati

Titi tamat telas lulus basuki

Kabeh pakaryan  linakwan

Kanthi seneng ulat padhang tan nggresula

Urun bau suku, penggalihan, apadene  redana

Kanthi dhasar karukunan

Mahanani bebrayan kang tata tentrem karta raharja

(Pak Jarno, Sleman 23 Maret 2011)

1.      Apa tegese tembung-tembung iki?

a.       Gotong royong                                     : nyambut gawe bebarengan

b.      Kodrat                                                  : wis ginaris kang Maha Kuwasa/wis nasibe

c.       Prapteng                                               : prapta tegese teka: prapta+ing: prapteng: tekan ing

d.      Telenging nala                                     : nala: ati: telenging ati

e.       Sepi ing pamrih rame ing gawe            : nyambut gawe ora ngarep-arep piwalese (opah)

f.       Semboyan                                            : uenen-unen, slogan

g.      Kiwakna pepulih                                  : ilangna rasa kepengin entuk pulihan

h.      Salwiring gati                                       : salwiring(sakabehe) gati(gawe): sakabehing gawe/pakaryan                                                            

i.        Bau suku                                              : bau(pundhak), suku (sikil): awak/badan/salira

j.        Redana                                                 : redana: dana, dhuwit

k.      Mahanani                                             : bisa njalari/ndadekake

l.        Tata tentrem karta raharja                    : urip kecukupan ora alangan sawiji apa

m.    Pakaryan                                              : gawean

n.      Linakwan                                             : laku+ in: linaku+an: linakwan : ditindakake

o.      pinatri                                                   : patri + in: pinatri: dipatri

p.      titi tamat telas lulus basuki                   : titi(tliti), tamat(rampung), telas(entek), lulus(rampun), basuki(slamet)

q.      gumantung sapepadhane                      : gumantung marang wong liya

r.        ywa                                                      : aja

2.      Wangsulana pitakonan iki!

a.       Kodrate manungsa iku kepriye?

b.      Gotong royong iku kudu katindakake kanthi kepriye?

c.       Kepriye semboyane gotong royong iku?

d.      Apa wae sing bisa disumbange ana ing gotong royong?

e.      Apa wae pigunane gotong royong iku?

3.      Coba critakna wose geguritan mau nganggo basamu dhewe!

4.      Piwulang budi pekerti apa wae sing bias didudut saka geguritan mau
Sumber materi : https://app.box.com/s/0pqpxr87j1phxmyonsln

Silakan Baca Lebih Lanjut

Parikan

    Ditulis lan dipostingke dening Admin Web.

     Materi Pembelajaran

1.      Parikan ngisor iki apa karepe?

Lagu Kecik Kecik

Kecik-kecik  ditumpakna sepur     →pambuka/sampiran

Sawo kecik ya dironce-ronce        →sampiran

Sapa pengin urip subur makmur    →isi

Ayo bebarengan padha sregep nyambut gawe  →isi

Oing numpak andhong sakdhokare

Oing gotong royong ro kancane

(Suwardi, 2008:173)

      2 . Bentuk-bentuk parikan

a.       Parikan ringkes/ Karmina (4 wanda + 4 wanda) X 2

1)      Abang abang,  ora legi,(pambuka/sampiran)

                                          Wani nantang ora wani.(isi)

2)      Anak dara jare piyik,

                                          Seneng nangga ora becik.

b.      Parikan kang dhinapur rong gatra ( 4 wanda + 8 wanda) X 2

1)      Kembang dhondhong, tinandur tepining gedhong.

                                          Sugih omong, pratandha kawruhe kopong.

2)      Kembang anggrek, rumambat tepining bethek.

                                          Nganti tuwek, ngelmu iku ora entek.

c.       Parikan kang kadadean saka (8 wanda + 8 wanda) X 2

1)      Bang-abang jambu dersana, Dersana kecut rasane.

                  Eman-eman yen sembrana, keduwung tembe burine.

2)      Godhong nangka godhong jati, kumleyang tiba neng sumur.

                  Dipadha mempeng ing kardi, negarane dimen makmur. 

d.      Parikan kang kadadean saka ( 8 wanda X 4)

1)      Godhong krambil jare blarak,

                                           Dikekrekki dadi sada,

                                           Sapa wonge murang sarak,

                                           Tembe uripe sengsara.

2)      Witing klapa jare glugu,

                                           Cilike arane cikal,

                                              Dituturi kudu nggugu,

                                              Dimen pinter sugih akal.

3)      Wis suwe ora jejamu,

Jamu pisan godhong sirsat,

Wis suwe ora ketemu,

Temu pisan ana Putat.

                                                                   

e.       Parikan kang kadadean saka (9 wanda X 4)

1)      Kutha Sala dalame rame,

Sriwedari tengah prenahe,

       Aku gela amarga kowe,

       Angger janji arang nyatane.  

f.       Parikan bebas (nyebal saka 1 – 4)

1)      Ngetan bali ngulon,

                 Tuwas ngedan ora klakon.

2)      Menyang kali memeta cethul,

                                       Garan pancing bisa mentul-mentul,

                                          Paling mirasa rasane thiwul,

      Mundhuta neng Gunungkidul.

3)      Walang kekek walange kadung,

                                                   Walang kadung mencok neng kara,

                                              Wong wis tuwek kok saya ndlarung,

                                              Yen wis kadhung dikapakena.

4)      Suwe  ora jamu,

                                              Jamu godhong tela,

                                              Suwe ra ketemu,

                                              Ketemu pisan neng kutha Sala.

3.      Dudutan

a.       Parikan mono sing baku runtuting swara utawa purwakanthin guru swara

b.      Kadadean saka rong ukara, saben saukara kedadean saka rong gatra

c.       Ana sampiran/purwaka kanggo narik kawigaten lan isine utawa wose sing arep dikandhakake

Isine parikan werna-werna: ana kang isi piwulang, sindhiran, prenesan lan sapanunggalane.

Sumber materi : https://app.box.com/s/0pqpxr87j1phxmyonsln

Silakan Baca Lebih Lanjut

Pocung

Ditulis lan dipostingke  dening Admin Web

POCUNG PASEBAN

                     Slendro. Pathet Sanga

              .

                        2      2     2    2 .    6     6    6     1 .    5       5       3         2    . 0

                        E – suk    i – ku   pa – ra  sis – wa   pa – dha  ngum – pul,             12 u

                                  .

                        6       1.      5        2     1      6.    . 0

                        A – neng  nga – rep   ke – las ,                                                     6 a

                        6.          1      1     1    .   6.      6.     5.    5.      .   0

                        Dha – wuh   gu – ru  kang   den    an –  ti,                                   8 i

                        5       6.    1        2    .    1    1    6.     5.    6.       1     2       1    .  0

                        Gu – ru  dha – wuh     pa – ra  sis – wa nam – but  kar – ya.            12 a

Guru gatrane tembang pocung 4 gatra/baris/larik

Gatra= larik, baris

Wanda= suku kata

Pada = bait

1.      Guru gatra: cacahing larik/baris ing saben sapada(sabait)

2.      Guru wilangan: cacahing wanda/suku kata ing saben sagatra

3.      Guru lagu tibaning swara ing pungkasaning gatra uga diarani dhong dhing.

Tulodho Tembang Pocung Baseban Slendro Pathet 9 kang Admin link ana ing Video You Tube 

Kanthi ningali Tembang Pocung ana ing You Tube iki, awak mangerteni yen ngangsu kawuruh utawa nggolek ngelmu kuwi kudu prihatin yakuwi nganti laku.

Sumber materi : https://app.box.com/s/0pqpxr87j1phxmyonsln lan You Tube

Silakan Baca Lebih Lanjut